Минатиот понеделник бевме во посета на новопријавено семејство на кое му е потребна помош. Нашиот социјален работник направи увид во состојбата на семејството и утврди дека истото моментално се соочува со ризик од сиромаштија.
Се работи за петчлено семејство со три мали деца, од кои едното е две месечно бебе. Тие се дојдени од друг град во Скопје под кирија поради повеќе работни можности. Но од преработеност, работејќи две смени, сопругот се здобива со сериозни здравствни проблеми и сега два месеци треба да мирува.
Ним им е потребна поддршка овој период додека се подобри здравствената состојба на сопругот и повторно застане на нозе семејството.
Ова е еден од случаевите со кои се запознаваме на терен и кои поради тешки животни околности се наоѓаат во неповолна ситуација. Ова може секому да се случи. Секој може да остане без приход.
Со поддршка од Сојузното Министерство за социјални работи, здравство, грижа и заштита на потрошувачи на Република Австрија, преку проектите Грижи се 2 и ComHome, Општина Гази Баба и Град Скопје продолжуваме да ја унапредуваме нашата работа и да обезбедиме поддршка за оние на кои им е најпотребна.