🌱💚 РЕЦИКЛИРАЈ И ДОНИРАЈ – ОД ТВОЈОТ ДОМ ДО НЕЧИЈА ТРПЕЗА! 💚🌱
Дали знаевте дека отпадното масло од вашата кујна може да стане вредна донација за некого кому му е најпотребна? ❤️ Преку еко-хуманитарниот проект „Рециклирај и донирај“, кој заеднички го реализираат компанијата Sunilens и здружението #ЉУБЕЗНОСТ , секој граѓанин може со мал гест да придонесе за почиста животна средина и да помогне на социјално загрозени лица и семејства. Благодарение на хуманоста на граѓаните, секој месец се акумулираат донации од свежо масло за јадење, кои стигнуваат до оние на кои им се најпотребни.
♻️ Како да се вклучите? Едноставно е и целосно бесплатно! Доволно е да се јавите во Суниленс на 📞 070 264 444, а нивниот тим директно до вашата врата ќе ви достави празен сад од 3 литри за собирање отпадно масло од готвење. Нема рок и нема брзање – собирајте го маслото колку време ви е потребно! Кога ќе го наполните садот, повторно се јавувате и тимот го подигнува од вашиот дом, остава нов празен сад, а вие добивате половина литар свежо сончогледово масло. Имате избор: да го задржите за себе или да го донирате преку Љубезност, која ќе се погрижи вашата донација да стигне до социјално загрозени лица.
❤️ Покрај донациите од граѓаните, Суниленс секој месец донира и дополнителни количини масло за јадење, со што заеднички обезбедуваме континуирана помош за луѓето во потреба. Ве повикуваме да станете дел од овој прекрасен круг на солидарност! Не го истурајте отпадното масло – собирајте го, рециклирајте и, доколку сте во можност, донирајте! За вас тоа е мал чекор, за природата голема придобивка, а за некое семејство – драгоцена помош. 💚
♻️ Рециклирај за природата. Донирај од срце. Помогни со Љубезност!
#РециклирајИДонирај #Љубезност #Суниленс #Хуманост #Солидарност #ЗаедноМожеме #ЧистаЖивотнаСредина