💚 ТЕГЛА+ – ХЕРОИ НА СОЛИДАРНОСТА! ХУМАНОСТА НА ДЕЛО! 🤝❤️
Со огромна радост и благодарност ги заокруживме дводневните хуманитарни акции во рамки на иницијативата „Тегла+ – Херои на солидарноста“, кои се одржаа на 14 и 15 октомври во Веро Центар – Џамбо и Веро 2 – Тафталиџе. Големиот интерес и одзив на граѓаните уште еднаш покажаа дека хуманоста, солидарноста и грижата за другите се вредности што нè обединуваат. Секој дониран производ, секоја насмевка и секој мал гест на добрина беа доказ дека кога сме заедно, можеме да направиме големи дела! 💚
🛒 Два маркети, два дена и прекрасни резултати!
🥫 689 кг донирана храна
🧴 15 кг хигиенски производи
🙋 45 посветени волонтери
❤️ 396 граѓани – посетители и донатори на нашите пунктови
🏡 Собраната храна ќе овозможи подготовка на пакети за приближно 58 семејства во социјален ризик.
Овие бројки не се само статистика – зад секој килограм донирана храна стои човечка добрина, а зад секој пакет надеж, поддршка и чувство дека никој не е заборавен. Особено сме горди на нашите волонтери, кои со својата енергија, посветеност и искрена желба да помогнат покажаа што значи хуманоста на дело. Голема благодарност до сите граѓани кои застанаа на нашите пунктови, донираа и станаа дел од оваа прекрасна приказна на солидарноста! ❤️
🤝 Здружението Љубезност, заедно со партнерските организации @GoGreen, SIEC, MISLA и SOLEM, продолжува да ја гради оваа хумана приказна, поврзувајќи ги граѓаните, волонтерите и општествено одговорните компании во заедничката мисија – да им подадеме рака на оние на кои поддршката им е најпотребна.
💚 Хероите на солидарноста се меѓу нас! Тоа сте сите вие кои покажавте дека и малите дела на добрина можат да донесат големи промени во нечии животи. Продолжуваме заедно, со уште повеќе љубезност, хуманост и солидарност!
Реализацијата на проектот е овозможена преку донација од dm drogerie markt. 💚
#ТеглаПлус #ХероиНаСолидарноста #Љубезност #ХуманостНаДело #ДонирајХрана #Солидарност #Волонтерство #ЗаедноМожемеПовеќе #dmDrogerieMarkt