Анифе е млада мајка на 3 мали дечиња. Живее со сопругот во скромна мала куќичка во Тетово, една соба, еден ходник, едно мало купатило. И тоа не е нивно, под кирија се.
„Кровот капе, прозорите едвај стојат… ама немаме каде, се снаоѓаме“, ни вели таа со тивок глас.
И двајцата немаат работа. Анифе останува дома со децата, а маж и секој ден нова борба, се снаоѓа, надничари, растовара, собира старо железо, оди на пазар. Живеат од ден за ден.
„Скоро се разболе малата, не можеше да дише, кашлаше. Три пати ја носев во лабораторија. Лекови, контроли, се со пари, ама се нема. Се позајмивме од комшии. Што да правиме, немаме здравствено, а мора за децата.“
По препорака од соседите, отидовме кај нив дома. Видовме како живеат, што им треба. Слушавме за проблемите, предизвиците и лошите услови на живеење (неможноста на сопствените деца да им овозможат храна, сок, овошје). Слушавме, разбравме и одма реагиравме.
„Па не знаевме дека може да се средува осигурување за невработени. Никој не ни кажал …“ – ни рече Анифе .
Нашиот параправник им помогна да ги соберат документите, им покажа како да пополнат пријава, ги однесе до Фондот за здравствено осигурување во Тетово. Таму на најмалото дете му издадоа нова здравствена книшка. И истата веднаш ја заверија.
„А бе сестро сега и книшка има малата! Конечно …“ – со солзи во очите ни кажа Анифе.
Сега можат на лекар. Без да плаќаат приватно и без да се позајмуваат. Сега имаат пристап до здравство. И тоа е голема работа! За некои можеби е обична работа ама за семејствата како на Анифе ова значи многу.
Им благодариме на Roma Democratic Development Association Sonce, нашата партнерска организација.
Реализацијата на активностите е овозможена со финансиска поддршка од Сојузното Министерство за труд, социјални работи, здравство, грижа и заштита на потрошувачите на Република Австрија во РСМ, преку проектот #ComHome.