Посета на ново семејство

Постојано ни се пријавуваат нови семејства кои се соочуваат со тешки животни услови и имаат потреба од поддршка. Нашиот стручен тим, во кој е вклучен и социјален работницк , оди на терен за да ја увиди состојбата и да направи проценка на потребите.

Овој пат посетивме семејство од населбата Бутел. Станува збор за многудетно семејство во кое само едниот родител работи – и тоа за минимална плата, која не ги покрива ни најосновните потреби.

Живеат во екстремно лоши услови: Протекува кровот , немаат изолација , седум члена живеат во една соба , немаат вода во домот , тоалетот е полско WC , вода земаат во шишиња од блиска чешма .

Во текот на посетата:

Ги евидентиравме нивните потреби

Остваривме советување за правата што им следуваат

Направивме план за понатамошна поддршка

Им обезбедивме хуманитарна помош

Продолжуваме да го следиме ова семејство и да ги бараме начините како да им пружиме поодржлива и поголема помош.

Ниту едно семејство не треба да живее во вакви услови. Сите заслужуваат достоинствен живот.

Реализацијата на активностите е овозможена со финансиска поддршка од Сојузното Министерство за социјални работи, здравство, грижа и заштита на потрошувачите на Република Австрија во РСМ, преку проектот ComHome.