Уште една санација во домот на социјално загрозено семејство.
Извршивме успешна санација на врата која не се затвораше правилно, создавајќи луфта и дозволувајќи да навлегува ветер. Ова доведуваше до неможност за одржување на комфорна температура.
По интервенцијата, вратата сега се затвора совршено, спречувајќи ја загубата на топлина и создавајќи поудобна и топла средина.
Во исто време и се ставија LED сијалици на две сијалични места со цел создавање подобри услови за живот и заштеда на трошоци од електрична енергија.
Тука сме да помогнеме на оние кои се соочуваат со најтешки предизвици! 
Во реализирање на овие активности имаме поддршка од Сојузно Министерство за социјални работи, здравство, грижа и заштита на потрошувачи на Република Австрија преку проектот ComHomе, Општина Карпош и компанијата CMX Solutions.