Уште еден случај на нерегистрирано лице – успешно решен!

Внесот на лица во матичната книга на родени и добивањето извод со матичен број е долг и комплициран процес за оние кои не започнале со постапката навреме. Ситуацијата станува уште посложена кога лицето е родено во странство , или кога родителите се починати или непознати .

Ние посветено работиме да ги поддржиме овие лица низ сите чекори – од собирање на потребната документација, до добивање на извод на родени и доколку се полнолетни, нивна прва лична карта .

Оваа година, со голема радост известуваме дека веќе успеавме да помогнеме на 6 лица да се регистрираат, 5 лица се во активна постапка, а 10 нови случаи се веќе евидентирани.

Продолжуваме напред, за секој човек да има право на идентитет, постоење и достоинствен живот.

Реализацијата на активностите е овозможена со финансиска поддршка од Сојузното Министерство за социјални работи, здравство, грижа и заштита на потрошувачите на Република Австрија во РСМ, преку проектот ComHome.